ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު މުލަކު އަތޮޅަށް ވަޑައިގެންނެވުމަށް ނިންމަވައިފިއެވެ.
ރައީސް ސޯލިހު މި ދަތުރުޕުޅުގައި ވަޑައިގަތުމަށް ހަމަޖެހިފައިވަނީ ފަސް ރަށަކަށެވެ. އެރަށްތަކުގެ ތެރޭގައި މ.އަތޮޅުގެ މުލި، މަޑުއްވަރީ، ދިއްގަރު، ވޭވަށް އަދި ރަތްމަންދޫއަށް ޒިޔާރަތްކުރެއްވުމަށް ވަނީ ނިންމަވާފައެވެ.
މި ރަށްތަކުގައި ހިނގަމުންދާ މަޝްރޫޢުތައް ކުރިއަށްދާ ގޮތް ރައީސް ބައްލަވާލައްވާނެއެވެ. އަދި ދިއްގަރު ގޮނޑުދޮށް ހިމާޔަތްކުރުމުގެ މަޝްރޫޢު ނިންމުމުގެ ރަސްމިއްޔާތާއި، ވޭވަށު ބަނދަރާއި، އިންޖީނުގެ ހުޅުވުމުގެ ރަސްމިއްޔާތުގައި ރައީސް ބައިވެރިވެވަޑައިގަތުމަށް ވަނީ ހަމަޖެހިފައެވެ.
