އޯކިޑް މަގުގައި ހުންނަ މީޑިއާ ނެޓް އޮފީހަށް ބަޔަކު ވަދެ މާރާމާރީ ހިންގި މައްސަލާގައި ދެ މީހަކު ހައްޔަރުކޮށްފިއެވެ.
ފުލުހުން ބުނީ އެ މައްސަލައާ ގުޅިގެން ހައްޔަރުކޮށްފައިވަނީ 22 އަހަރާއި 19 އަހަރުގެ ދިވެހި ފިރިހެނެއް ކަމަށެވެ.
އެމީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން 22 އަހަރުގެ މީހާ ޝަރީއަތް ނިމެންދެން ބަންދަށް އަދި 19 އަހަރުގެ މީހާ ތަހުގީގު ނިމެންދެން ބަންދުގައި ބެހެއްޓުމަށް ކްރިމިނަލް ކޯޓުން ވަނީ އަމުރުކޮށްފަ އެވެ.
އެހަމަލާގައި އަނިޔާލިބިފައި ވަނީ މީޑިއާ ނެޓްގައި މަސައްކަތް ކުރަމުން އަންނަ މުވައްޒަފަކަށެވެ. އެ މާރާމާރީ ހިންގާފައި ވަނީ މަރުތޭލާއި އެ ނޫން ވެސް ހަތިޔާރު ބޭނުންކޮށްގެނެވެ.
