މުރުތައްދުވެފައިވާ ސަލްމާން ރުޝްދީއަށް ނިއުޔޯކުގައި އިއްޔެ ހަމަލާދީ ޒަހަމް ކޮށްލައިފިއެވެ.
މި ހަމަލާދީފައިވަނީ އޭނާގެކަރަށެވެ. އިނގިރޭސިވިލާތުގެ ނޫހެއްކަމަށްވާ ”ޑެއިލީ މެއިލް“ އިން ހާމަކުރިގޮތުގައި އޭނާގެ ހަށިގަނޑުގެ 10 ނޫނީ 15 ތަނަކަށް ވަނީ ހަމަލާދީފައެވެ. ނަމަވެސް އޭނާގެ މިހާރުގެ ހާލަތެއް އަދި ރަސްމީފަރާތަކުން ހާމައެއް ނުކުރެއެވެ. ސީއެންއެން އިން ބުނާގޮތުގައި ސަލްމާން ރުޝްދީއަށް ހަމަލާދީފައިވަނީ ވަޅިންނެވެ. ސަލްމާން ރުޝްދީ ޒަހަމްވިތާ އިރުކޮޅެއްގެ ތެރޭގައި ހެލިކޮޕްޓަރެއްގައި އޭނާ ވަނީ ހޮސްޕިޓަލަކަށް ގެންގޮސްފައެވެ.
އުމުރުން 75 އަހަރުގެ ސަލްމާން ރުޝްދީއަކީ ކީރިތި ޤުރުއާނާއި އިސްލާމް ދީނާއި، މާތް ރަސޫލާއަށް ފުރައްސާރަކޮށް ”ސެޓަނިކް ވާސަސް“ ގެ ނަމުގައި ފޮތެއް ނެރުނު އިންޑިއާގެ ލިޔުންތެރިއެކެވެ.
1988 ވަނަ އަހަރު އޭނާ ނެރުނު އެ ފޮތާއި ގުޅިގެން އިސްލާމީ ގިނަ ގައުމުތަކުން އޭނާއަށް ފާޑުކިޔާފައިވެއެވެ. އަދި އީރާނުންވަނީ އޭނާ މަރާލި މީހަކަށް 3.3 މިލިއަން ޑޮލަރު ހުށައަޅާފައެވެ.
އަލްހަމްދުލިﷲ