މިއަހަރުގެ މިނިވަން ދުވަހުގެ މުނާސަބަތުގައި ރައީސް އިބްރާހިމް މުހައްމަދު ޞާލިޙް މިއަދު ގައުމާއި މުހާތަބުކުރައްވަން ނިންމަވައިފިއެވެ.
ރައީސް ގައުމާއި މުހާތަބު ކުރައްވާނީ މިއަދު ހެނދުނު 10:00 ޖަހާއިރުއެވެ.
ދައުލަތުގެ ހަރަދު ކުޑަކުރުމުގެ ގޮތުން މިއަަހަރުގެ މިނިވަން ދުވަހުގެ ރަސްމީ ޖަލްސާ އާއި ފުޅަނދުބުރު ވަނީ ނުބާއްވަން ނިންމާފައެވެ.
މިނިވަން ދުވަސް ފާހަގަކުރުމަށް މިއަދު ރާއްޖޭގެ ހުރިހާ ރަށަކުވެސް ހެނދުނު 6:00 ޖެހިއިރު ދިދަ ނެގުމުގެ ރަސްމިއްޔާތެއް ވަނީ ބާއްވާފައެވެ. އަދި މިއަދު އޮންނަ ސިފައިންގެ މިލިޓަރީ ޕެރޭޑް ފަށާނީ، ހަވީރު 16:30 ގައި ޖުމްހޫރީ މައިދާނުންނެވެ.
ރާއްޖޭގެ މިނިވަންދުވަސް ފާހަގަކުރެވެނީ ކޮންމެ އަހަރެއްގެވެސް ޖުލައިމަހުގެ 26 ވަނަ ދުވަހެވެ.
