ވ.އާރަށުގެ މައްސަލައިގައި އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން އަބްދުލްގައްޔޫމުގެ މައްޗަށް ދައުލަތުން ދައުވާ ކުރާ މަނީ ލޯންޑަރިން އަދި ރިޝްވަތު ގަބޫލު ކުރުމުގެ ދައުވާގެ މިއަދުގެ އަޑު އެހުން ކެންސަލް ކޮށްފިއެވެ.
ކްރިމިނަލް ކޯޓުގައި ބޭއްވުމަށް ހަމަޖެހިފައިވާ މިއަދުގެ އަޑު އެހުން ފެށުމަށް ނިންމާފައި އޮތީ ހެނދުނު 9:30 ގައެވެ. އެ އަޑުއެހުމަށް ރައީސް ޔާމިން ކޯޓަށް ވަޑައިގެން ކާރުކޮޅުން ފައިބައިވަޑައިނުގަނެވެނީސް އަޑު އެހުން ކެންސަލް ކުރިކަން ވަކީލުންނަށް އެންގިއެވެ.
”ބޮންތި“ އަށް އެނގިފައިވާގޮތުގައި ޔާމީންގެ އަޑުއެހުން ކެންސަލް ކުރީ އެމައްސަލައިގައި ދެން ދައުވާ ކުރާ ކުރީގެ މެންބަރު ޔޫސުފް ނައިޟް ބަލިވުމާ ގުޅިގެންނެވެ. ނައީމް ބަލިކަން އަންގައި ކޯޓަށް ސިޓީއެއް ފޮނުވިކަމުގެ މައުލޫމާތު ”ބޮންތި“ އަށް ވަނީ ލިބިފައެވެ.
