ހ.ދ ކުމުންދޫ ނޭޗަރ ޕާކުގައި ބަޔަކު އަލިފާން ރޯކޮށްލައިފިއެވެ.
މިކަން ހާމަކޮށް ކުމުންދޫ ކައުންސިލުން ފޭސްބުކްގައި ކުރި ޕޯސްޓެއްގައި ބުނެފައިވަނީ އެޕާކުގައި ރޯކޮށްލާފައިވާކަމަށް ބެލެވެނީ ރޭގެ ފަތިހުގެ ވަގުތެއްގައި ކަމަށެވެ.
ކުމުންދޫ ކައުންސިލުން އިތުރަށް ފާހަގަކޮށްފައިވާ ގޮތުގައި އެޕާކަކީ އެރަށު ކުރެވި ޖަމުއިއްޔާއިން ތަރައްގީކޮށް ކައުންސިލާ ހަވާލުކޮށްފައިވާ ޕާކެކެވެ. ފުލުހުންނަށް މިހާރު މި މައްސަލަ ހުށައަޅާފައިވާ ކަމަށް ކައުންސިލުން މައުލޫމާތުދެއެވެ.
