ރައީސް އޮފީހުގެ ތަރުޖަމާނަކަށް، ނޫސްވެރިކަމުގެ ދާއިރާގައި ގިނަ ދުވަސްތަކެއް މަސައްކަތް ކުރައްވާފައިވާ ތަޖުރިބާކާރު މުހައްމަދު ޝަހީބު އައްޔަން ކުރައްވައިފިއެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މިއަދު ޝިހާބް އެ މަގާމަށް އައްޔަން ކުރެއްވީ ޑެޕިއުޓީ މިނިސްޓަރުންގެ ފެންވަރުގައެވެ.
ޝިހާބު ވަނީ ކުރީގެ ’ހަވީރު‘ ނޫހުގައި މަސައްކަތް ކުރައްވައި، އިސް މަގާމުތަކެއް އަދާކުރައްވާފައެވެ. މީގެ އިތުރުން’ސަން މީޑިއާ’ގެ ސީއީއޯގެ މަގާމު ފުރުއްވުމަށްފަހު ކުރީގެ ރައީސް އަބްދުﷲ ޔާމީންގެ ވެރިކަމުގައި ބްރޯޑްކާސްޓިން ކޮމިޝަންގެ ރައީސްކަމުގެ މަގާމު ވެސް ޝިހާބު ވަނީ އަދާކުރައްވާފައެވެ.
