ޕީޕީއެމް/ޕީއެންސީގެ ފަރާތުން މާލޭ ސިޓީ މޭޔަރު ކަމަށް ވާދަކުރެއްވުމަށް ކުރީގެ ބަންޑާރަ ނައިބު އާޒިމާ ޝަކޫރު އިލެކްޝަންސް ކޮމިޝަނަށް ފޯމު ހުށަހަޅުއްވައިފިއެވެ.
އީސީގެ ފަރާތުން ފޯމާ ހަވާލުވެވަޑައިގަތީ އެ ކޮމިޝަންގެ ނާއިބް ރައީސް އިސްމާއީލް ހަބީބެވެ.
އާޒިމާ ވިދާޅުވި ގޮތުގައި މާލޭ ސިޓީ މޭޔަރުކަމަށް ކުރިމަތިލެއްވީ ރާއްޖެއަށް ދިމާވެފައިވާ ބޮޑެތި މައްސަލަތައް ހައްލުކުރުމަށެވެ. އެކަން ކުރެވެން އަންނަނީ މާލެއަށް ދިމާވެފައިވާ ބޮޑެތި މައްސަލަތައް ހައްލުކޮށްގެންނެވެ.
މާލެ ސިޓީގެ މޭޔަރުގެ މަގާމު ހުސްވީ އެމަގާމުގައި ކުރިން ހުންނެވި ޑރ. މުހައްމަދު މުއިއްޒު ރައީސުލްޖުމްހޫރިއްޔާގެ މަގާމަށް އިންތިހާބުވެވަޑައިގަތުމުން މޭޔަރުކަމުން އިސްތިއުފާ ދެއްވުމުންނެވެ.
