ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އެޑްވައިޒަރު އަދި ޕީއެންސީގެ ޗެއާމަން ޢަބްދުއްރަޙީމް (އަދުރޭ)، ރައްޔިތުންގެ މަޖިލީހުގެ ލ.ފޮނަދޫ ދާއިރާއަށް ވާދަކުރައްވަން ނިންމައިފިއެވެ.
މިހާރު ވެރިކަން ކުރާ ކޯލިޝަނުގައި ހިމެނޭ މައި ޕާޓީ ޕީއެންސީގެ ޗެއާމަން ގޮތުގައި ހުންނެވި ޢަބްދުއްރަޙީމް ކުރި ޕޯސްޓެއްގައި ވަނީ މަޖިލީހަށް ވާދަކުރާ ކަމަށް އިއުލާންކޮށްފައެވެ.
މީގެ ކުރިން ވެސް މަޖިލީހުގައި ފޮނަދޫ ދާއިރާ ތަމްސީލުކޮށްފައިވާ އަދުރޭއަކީ ރާއްޖޭގައި ކުރަމުންދިޔަ އަނިޔާވެރި ވެރިކަން ނިމުމަކަށް ގެނައުމުގައާއި ޕާޓީގެ މެންބަރުން ގިނަ ކުރުމަށް ހިންގާ ހަރަކާތް ތަކުގައި އެންމެ އިސްކޮށް ހުންނަ އެކަކެވެ.
