އަންނަ އަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިހާބުގެ ޕީޕީއެމް ޕީއެންސީ ޕްރައިމަރީގައި ތުލުސްދޫ ކައުންސިލްގެ ކުރީގެ ނައިބު އަހުމަދު ޝާމިލް ވާދަކުރެއްވުމަށް ނިންމަވައިފިއެވެ.
ޝާމިލް އަކީ އުމުރުން 22 އަހަރު ގައި އެރަށުގެ ކައުންސިލަރ ކަމުގެ މަގާމާއި، އެ ކައުންސިލްގެ ނައިބުކަމުގެ މަގާމު އަދާކުރައްވާފައެވެ. އަދި ހެންވޭރު ހުޅަނގު ދާއިރާގެ ޕީޕީއެމްގެ ނައިބު ކަމާއި ނިމި ދިޔަ ރިޔާސީ އިންތިހާބުގެ ދެބުރުންވެސް އިންތިހާބީ ރައީސް ޑރ.މުހައްމަދު މުއިއްޒު އަށް ދާއިރާގެ މެޖޯރިޓީ ވޯޓު ހޯދުމަށް ޝާމިލްގެ މަސައްކަތްތައް ފާހަގަކޮށްލެވެއެވެ.
ޝާމިލް ވަނީ އައު ސަރުކާރު ދެމެހެއްޓުމަށްޓަކައި ކުރަންޖެހޭ ކޮންމެ މަސައްކަތެއްވެސް އިންތިހާބު ވެއްޖެނަމަ، މަޖިލިސް ތެރެއިން ކުރައްވާނެ ކަމުގެ ޔަގީންކަން ދެއްވާފައެވެ.
