ސިޔާސީ ޕާޓީތަކުގެ މިޞްރާބު ސީދާކޮށް އޮންނާނީ ސީދާކޮށްތިބޭ މީހުންގެ ޤިޔާދަތުގެ މައްޗަށް ކަމަށް ޖަމިއްޔަތުއް ސަލަފްގެ ރައީސް އައްޝައިޚް އަބްދުﷲ ބިން މުޙައްމަދު ވިދާޅުވެއްޖެއެވެ.
ސަލަފް ޖަމިއްޔާގެ ރައީސް މިފަދައިން ވިދާޅުވެ ޓްވީޓް ކުރައްވާފައިވަނީ ހޮނިހިރު ދުވަހު ބޭއްވުމަށް ހަމަޖެހިފައިވާ އިދިކޮޅު ޕީޕީއެމްގެ ދާއިރާތަކުގެ އިންތިޚާބަށް އިޝާރަތް ކުރައްވަމުންނެވެ.
ޝައިޚް އަބްދުالله ވިދާޅުވީ ޕާޓީތަކުގެ އެތެރޭގެ އިންތިޚާބުތަކުގައި ހެޔޮލަފާ، ތަޤްވާވެރި، މަޤާމަށް ކުފޫހަމަވާ، ޤާބިލު، ސީދާ މީހުން ހޮވުމަށް ހުރިހާ ޕާޓީތަކުގެ އާންމު މުމެމްބަރުންނަށް އިލްތިމާސް ކުރައްވާކަމަށެވެ.
މިއާއިއެކު ޝައިޚް ވިދާޅުވީ ޕާޓީތަކުގެ މިޞްރާބު ސީދާކޮށް އޮންނާނީ ސީދާކޮށްތިބޭ މީހުންގެ ޤިޔާދަތުގެ މައްޗަށްކަމަށެވެ.
ޕާޓީތަކުގެ އެތެރޭގެ އިންތިޚާބުތަކުގައި ހެޔޮލަފާ،ތަޤްވާވެރި،މަޤާމަށް ކުފޫހަމަވާ،ޤާބިލު،ސީދާ،މީހުން ހޮވުމަށް ހުރިހާ ޕާޓީތަކުގެ ޢާއްމު މެމްބަރުންނަށް އިލްތިމާސްކުރަމެވެ.ޕާޓީތަކުގެ މިޞްރާބު ސީދާކޮށް އޮންނާނީ ސީދާކޮށްތިބޭ މީހުންގެ ޤިޔާދަތުގެ މައްޗަށެވެ. "ރައްކާވެ ތިބިއްޔާ ދަތުރެވެ"! https://t.co/mbPYiT0I1R
— Abdullah bin janaab (@binjanaab) November 4, 2022
އިދިކޮޅު ޕްރޮގްރެސިވް ކޮންގްރެސް ކޯލިޝަންގެ ދާއިރާތަކުގެ އިންތިޚާބުގެ ވޯޓުލުން މާދަމާ ބޭއްވުމަށް ވަނީ ނިންމާފައެވެ.
އެ ކޯލިޝަނުން އިއްޔެ ނެރުނު ނޫސްބަޔާނެއްގައި ބުނީ ދާއިރާ އިންތިޚާބުގައި ވޯޓު ނަގަން ޖެހޭ ދާއިރާތަކާއި ރަށްރަށުގެ ވޯޓު ނެގުން ކުރިއަށް ގެންދާނީމާދަމާ ހެނދުނު 10:00 އިން ހަވީރު 4:00 އަށް ކަމަށެވެ.
އެގޮތުން ހަވީރު 4:00 އާއި ހަމައަށް ވޯޓުލުމަށް ކިއޫ އާއި ގުޅޭ މެންބަރުންނަށް ވޯޓު ލުމުގެ ފުރުސަތު ލިބޭނެ އެވެ.
ވަރަށް މުހިއްމު ވާހަކަ އެއް