މާދަމާއިން ފެށިގެން ވެކްސިން ސެންޓަރުތައް ހުޅުވާނީ 2 ގަޑިއިރަށް ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން ކުރި ޓުވީޓެއްގައި ބުނީ ސައިނޮފާމް ވެކްސިންގެ ފުރަތަމަ ޑޯޒާއި ދެވަނަ ޑޯޒު ޖަހަން ބޭނުންވާ ފަރާތްތަކަށް ހެނދުނު 9 އަކުން 11 އަށް ހިދުމަތް ލިބޭނެ ކަމަށެވެ. ނޭޝަނަލް އާޓް ގެލެރީ، ވިލިމާލެ ޔޫތު ސެންޓަރު އަދި ޓްރީ ޓޮޕް ހޮސްޕިޓަލުން މިގަޑިތަކުގައި ވެކްސިން ޖެހޭނެއެވެ. 18 އަހަރުން މަތީގެ ކޮންމެ މީހަކަށް މި ވެކްސިންގެ ފުރަތަމަ ޑޯޒު ޖެހޭނެއެވެ. އަދި ފުރަތަމަ ޑޯޒު ޖެހިތާ 3 ހަފްތާގެ މުއްދަތު ހަމަވެފައި ތިބި ފަރާތްތަކަށް ދެވަނަ ޑޯޒު ޖެހޭނެއެވެ.
Vaccine centres will be operating from 9AM to 11AM starting tomorrow.
Get vaccinated to protect you and your loved ones from COVID-19 pic.twitter.com/mM9DT6fLXJ
— Health Protection Agency (@HPA_MV) May 14, 2021
ކޯވިޑް-19 އިން ރައްކާތެރިވުމަށް ރާއްޖެއިން އެންމެ ގިނަ އަދަދަކަށް ޖަހާފައިވަނީ އިންޑިއާގެ ކޮވިޝީލްޑް ވެކްސިނެވެ. އެކަމަކު އެ ވެކްސިން ހުސްވުމާގުޅިގެން މިވަގުތު ޖަހަނީ ޗައިނާގެ ސައިނޮފާމް ވެކްސިނެވެ. އަދި ކޮވިޝީލްޑް ވެކްސިން ލިބޭނެ ދުވަހެއް ނޭނގެއެވެ.
