އިންޑޮނޭޝިއާގެ ސުމަތުރާއަށް އައި ބިންހެލުމުގެ އަސަރު ރާއްޖެއަށް ކޮށްފިއެވެ.
މެޓް އޮފީހުން ބުނެފައިވަނީ ސުމަތުރާއަށް ބިންހެލުމެއް އައިސްފައިވަނީ 08:29 ހާއިރު ކަމަށެވެ. މި ބިންހެލުމުގެ ބާރުމިނުގައި 6.0 މެގްނިޓިއުޑް ހުރި ކަމަށްވެސް މެޓް އޮފީހުން މައުލުމާތުދެއެވެ.
މެޓް އޮފީހުން ބުނެފައިވަނީ މި ބިންހެލުމުގެ އަސަރު ރާއްޖެއަށްވެސް ކޮށްފައިވާ ކަމަށެވެ. އަދި މިބިންހެލުމުން ސުނާމީއެއް އުފެދޭނެކަމަށް ނުބެލެވޭ ކަމަށްވެސް މެޓް އޮފީހުން ބުނެފައިވެއެވެ.
މިބިންހެލުމުގެ އަސަރު ކޮށްގެން މާލޭގެ ބައެއް އިމާރާއްތަކުން ވަނީ މީހުން ވެސް ހުސްކޮށްފައެވެ. ހެލްތު މިނިސްޓުރީ ހުންނަ ރޯޝަނީ ބިލްޑިން ވެސް ވަނީ އެކީ ހުސްކޮށްފައެވެ. އަދި މާލޭގެ ގިނަ ގެތަކުން ވެސް ވަނީ މީހުން ފައިބާފައެވެ.
