ޔޫރަޕުގެ ފުޓުބޯޅައިގެ ރަސްގެފާނުން ކަމުގައި މަޝްހޫރުވެފައިވާ ރެއާލް މެޑްރިޑުން ދުނިޔޭގައި މިވަގުތު ހުރި އެންމެ ”މާކެޓްވެލިއު“ މަތި ކުޅުންތެރިޔާ ކަމުގައިވާ ޕީއެސްޖީގެ ކީލިއަން އެމްބައްޕޭއަށް ބިޑު ކޮށްފިއެވެ.
ބޭރުގެ ރިޕޯތުތަށް ބުނާގޮތުގައި ރެއާލުން ޕީއެސްޖީއަށް ކޮށްފައިވަނީ 160 މިލިއަން ޔޫރޯގެ ބިޑެކެވެ. އަދި އެ ރިޕޯޓުތަކުގައި ވާގޮތުން އެމްބައްޕޭ ވެސް ހުރީ ރެއާލަށް ބަދަލުވާން ތައްޔާރަށެވެ.
އެހެންނަމަވެސް ފްރާސްގެ ގަދަ ބާރު ޕީއެސްޖީން ހުރީ އެމްބައްޕޭ ދޫކުރާ ފަދަ ވިސްނުމެއްގައެއްނޫނެވެ.
އެމްބައްޕޭ ޕީއެސްޖީ އާއެކު ހަދާފައިވާ އެއްބަސްވުން އައު ކުރަން އެކުލަބުން 3 ފަހަރެއްގެ މަތިން އެދުމުންވެސް އެމްބައްޕޭ ވަނީ އެކަމާއި ދެކޮޅު ހަދާފައެވެ.
