ދިވެހިރާއްޖޭގައި އިތުރު 15 ޑޮމެސްޓިކް އެއާޕޯޓް އަޅަން ސަރުކާރުން ނިންމައިފިއެވެ.
ރާއްޖޭގައި އިންވެސްޓު ކުރެވޭނެ 11 ދާއިރާއަކާއި ގުޅޭގޮތުން އެ ފޯރަމްގައި މައުލޫމާތު ދެއްވާފައިވެއެވެ. އެގޮތުން، ކާޑެއްދޫއާއި ތިނަދޫ ގުޅުވާލުމަށް އަޅާ ބްރިޖުގެ މަޝްރޫޢުއާއި، އައްޑޫގައި އަޅާ ބްރިޖުގެ މަޝްރޫއާއި، އިހަވަންދިއްޕޮޅު ތަރައްޤީކުރުމާއި އިއާދަކުރަނިވި ހަކަތައިގެ ދާއިރާގެ އިތުރުން، ޓްރާންސްޕޯޓް ދާއިރާގެ މަޝްރޫތައް ހިމެނެއެވެ.
ރާއްޖޭގައި އަޅަން ނިންމާފައިވާ 15 ޑޮމެސްޓިކް އެއާޕޯޓް އެޅުމަށް ނިންމާފައިވާއިރު، އެ މަޝްރޫއަށް އިންވެސްޓުކުރަން ޝައުގުވެރިކަން ހުރި އިންވެސްޓަރުންނަށް ހުރި ފަހި ފުރުސަތުތަކާއި ގުޅޭގޮތުން އެ ފޯރަމްގައި ވަނީ މަޝްވަރާކޮށްފައެވެ.
ރާއްޖޭގައި މިވަގުތު އޮޕަރޭޝަނަލް 16 ޑޮމެސްޓިކް އެއާޕޯޓު އެބައޮތެވެ. ނަމަވެސް، ސަރުކާރުން އަޅަން ނިންމާފައިވާ އިތުރު 15 ޑޮމެސްޓިކް އެއާޕޯޓު އަޅާނެ ތަނެއް އަދި ހާމަކޮށްފައެއް ނުވެއެވެ.
