އައްޑޫ ސިޓީ ހިތަދޫގައި ކުނިއަޅާފައިވާ ދެ ތަނެއްގައި ރޯވެ، އަލިފާނުގެ ދެ ހާދިސާއެއް ހިނގައިފިއެވެ.
މިހާރު އަލިފާންގަނޑު ވަނީ އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަންގެ ފަޔަރމަނުން ހަރަކާތްތެރިވެ، ނިއްވާލާފައެވެ.
އެމްއެންޑީއެފްއިން މައުލޫމާތު ލިބިފައިވާ ގޮތުގައި ހިތަދޫގައި ރޭ ހިނގި ފުރަތަމަ އަލިފާނުގެ ހާދިސާއަކީ ހިތަދޫ ރޫހުލް ޤުރުއާން ކައިރީގައި ހުރި ކުނިތަކެއްގައި އަލިފާން ރޯވެ ހިނގި ހާދިސާއެކެވެ.
ހިތަދޫގައި ރޭ ހިނގި ދެވަނަ އަލިފާނުގެ ހާދިސާއަކީ ހިތަދޫ އުރީދޫ އޮފީސް ކައިރީގައި ހުރި ކުނިތަކެއްގައި އަލިފާން ރޯވެ ހިނގި ހާދިސާއެވެ.
މި ދެ ހާދިސާގައި ވެސް އެއްވެސް މީހަކަށް އަނިޔާވެ، އެއްވެސް ތަނަކަށް ގެއްލުމެއް ލިބިފައެއްނުވެއެވެ.
