މިދައުރުގެ ތެރޭގައި ރާއްޖޭގެ މީހުން ދިރިއުޅޭ ހުރިހާ ރަށަކަށް މަދުވެގެން ދެފަހަރު ވަޑައިގަންނަވާނެކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
މ. މުލަކު ރައްޔިތުންނާއި ބައްދަލުކުރައްވައި އެރަށުގައި ވާހަކަފުޅުދައްކަވަމުން ރައީސް މުއިއްޒު ވިދާޅުވީ އެދަތުރުފުޅުތަކުގައި ރަށްތަކުގެ ކައުންސިލާއި، ރައްޔިތުންނާއި ބައްދަލުކުރައްވާނެ ކަމުގައެވެ.
”ކަންކަމުގަ ސީދާ ރައްޔިތުން ބޭނުންވާ ގޮތް އޮޅުންފިލުވާނަން“ ރައީސް ވިދާޅުވިއެވެ.
މުލަކުގެ ބަދަރު 1400 މީޓަރަށް ބޮޑުކޮށް، އެ ބަނދަރު ތަރައްގީ ކުރުމުގެ މަޝްރޫއު ވީއެންމެ އަވަހަކަށް ނިންމަވައިދެއްވާނެކަމަށްވެސް ރައީސް ވަނީ ވިދާޅުވެފައެވެ.
