ކުރީގެ ގައުމީ އަންހެން ފުޓުބޯޅަ ޓީމުގެ މެންބަރު މަރިޔަމް މުހައްމަދު (މާޔަން) އިއްޔެ ހުޅުމާލޭގައި ދުވަން ނިކުމެ އުޅެނިކޮށް، ބަޔަކު އޭނާގެ ކަރުގައި އޮތް ފަށް ފޭރިގަތް މައްސަލާގައި ދެ ދިވެހި ފިރިހެނުން ފުލުހުން ހައްޔަރުކޮށްފިއެވެ.
ފޭސްބުކް މެދުވެރިކޮށް ހާދިސާ ހިނގައިދިޔަގޮތާއި އެ ފަށް ވިއްކަން ބަޔަކު އުޅެފިނަމަ އެންގުމަށް މާއިން އިއްޔެ ވަނީ ބުނެފައެވެ.
ފުލުހުން ބުނިގޮތުގައި އެ މައްސަލައިގެ ތުހުމަތުގައި ހައްޔަރުކުރީ 25 އަހަރާއި 27 އަހަރުގެ ދިވެހި ދެ ފިރިހެނުންނެވެ.
މާޔަން ހިއްސާކުރިގޮތުގައި ދެމީހަކު އައިސް އެ ފަށް ފޭރިގަތީ އޭނާއަށް ހަމަލާދީ ވައްޓާލުމަށްފަހު ގަދަކަމުންނެވެ.
