ޕްރޮގްރެސިވް ކޮންގްރެސް ކޯލިޝަން (ޕީޕީއެމް-ޕީއެންސީ) ގެ ލީޑަރަކަށް ރައީސް ޑރ.މުޙައްމަދު މުޢިއްޒު ހަމަޖައްސައިފިއެވެ.
މިގޮތަށް ހަމަޖެއްސީ ޕީޕީއެމް-ޕީއެންސީގެ ޖޮއިންޓް ސެނެޓުން ޕީއެންސީގެ އާ އޮފީހުގައި ބޭއްވި ބައްދަލުވުމުގައި ސެނެޓުގެ އިއްތިފާގުންނެވެ.
ޕީއެންސީގެ ރައީސްގެ މަގާމުގައި ހުންނެވި ރައީސް ޑރ.މުޢިއްޒު އެ މަގާމަށް އައްޔަން ކޮށްފައިވަނީ އޮކްޓޫބަރު މަހުގެ ހަތަރުވަނަ ދުވަހުގެރޭ ބޭއްވި ޕީއެންސީގެ ކައުންސިލު ބައްދަލުވުމުގައެވެ. ޕީޕީއެމްގެ ނައިބު ރައީސްކަން ވެސް ކުރައްވާފައިވާ ރައީސް، ޑރ.މުއިއްޒު އެމަނިކުފާނު ޕީޕީއެމްއިން ވަކިވެވަޑައިގެން ޕީއެންސީއަށް ސޮއިކުރެއްވީ ރިޔާސީ އިންތިޚާބުގެ ޕީއެންސީގެ ރިޔާސީ ޕްރައިމަރީގައި ވާދަކުރެއްވުމަށެވެ.
