މަސްތުވާ ތަކެއްޗާއިއެކު ޖަލު އޮފިސަރަކު ހައްޔަރުކޮށްފިއެވެ.
ޖަލު އޮފިސަރު ހައްޔަރުކުރުމާއި ގުޅޭގޮތުން ކޮމިޝަނަރ އޮފް ޕްރިޒަންސް އަހުމަދު މުހައްމަދުފުޅު ރޭ ކުރެއްވި ޓްވީޓެއްގައި ވިދާޅުވީ މަނާތަކެތި ޖަލަށް ވައްދާކަމަށް ޝައްކުރެވިގެން ދިވެހި ފުލުހުންނާއި ގުޅިގެން ކުރިއަށް ގެންދިޔަ އޮޕަރޭޝަނެއްގައި އެ މުއައްސަސާގެ އޮފިސަރަކު ހައްޔަރުކޮށްފައިވާ ކަމަށެވެ.
ޖަލަށް މަނާތަކެތި ވައްދާ ކަމަށް ޝައްކުރެވިގެން ދިވެހި ފުލުހުންގެ ހިދުމަތާއި ގުޅިގެން ހިންގި ހާއްސަ އޮޕަރޭޝަނެއްގައި ވަނީ މިސަރވިސްގެ އޮފިސަރެށް މަސްތުވާ ތަކެއްޗާއި އެކު ފުލުހުންގެ ބެލުމުގެ ދަށަށް ގެންދެވިފަ. މިކަމާ ގުޅިގެން މި އޮފިސަރު ވާނީ ވަޒީފާއިން ސަސްޕެންޑު ކުރެވިފަ.
— Ahmed Mohamed (@ahumadhumohamed) November 21, 2022
ރާއްޖޭގެ ޖަލުތައް ބަލަހައްޓަންތިބޭ ކަރެކްޝަން އޮފިސަރުންނާއި ފުލުހުން ގުޅިގެން ހިންގާ މިފަދަ ޢަމަލުތައް ފެންމަތިވެ ފިޔަވަޅު އެޅުން އާންމުވެފައިވާކަން ފާހަގަކޮށްލެވެއެވެ.
ދޫނިދޫ ޖަލަށް ފޯނުތަކެއް ވައްދަން އުޅުނު ފުލުހަކު ހަ މަސްދުވަހަށް ޖަލަށް ލާން ދާދިފަހުން ކްރިމިނަލް ކޯޓުން ވަނީ ޙުކުމް ކޮށްފައެވެ.
ކަރެކްޝަންގެ އޮފިސަރުންނަށާއި، ފުލުހުންނަށް މަންފާވާގޮތަށް ޖަލުތަކުގައި ތިބޭ ޤައިދީންނަށް ބޮޑު އަގުގައި ފޯނާއި ޗާޖަރާއި އެނޫންވެސް ޖަލަށް ވެއްދުން މަނާތަކެތި ވައްދާ މައްސަލަތައް ދޭތެރެއަކުން ފެންމަތިވެއެވެ.
ކޮބާ ކުޅިފެނޭޔެ އަބަދަސް މިއެތްތެތި ވިއްކާ ކިޔާފާރިކެރަނީ މިވަގާމެނައެ އަފުން ބޭނަމާނުނެ