ދިވެހިރާއްޖޭގެ ރައްޔިތުން މަޖިލީހުގެ ދ. މީދޫ ދާއިރާގެ މެންބަރު އަދި މޯލްޑިވްސް ޑިވެލޮޕްމަންޓް އެލައަންސް (އެމްޑީއޭ)ގެ ރައީސް އަޙްމަދު ސިޔާމް މުޙައްމަދުގެ ބައްޕާފުޅު މުޙައްމަދު ޤާސިމް އަވަހާރަވެއްޖެއެވެ.
ނ. ކުޑަފަރީއަށް ނިސްބަތްވާ އުމުރުން 81 އަހަރުގެ ޤާސިމް އަވަހާރަވީ 3 ޖަނަވަރީ 2024ގެ ފަތިހުގެ ވަގުތެއްގައި ކަމަށް މައުލޫމާތު ލިބެއެވެ.
ޤާސިމް މާލެ ގެނެވުނީ ރަށުގައި އާލާސްކަންފުޅާ އިންނަވަނިކޮށެވެ. ޤާސިމް އަވަހާރަވީ އޭޑީކޭ ހޮސްޕިޓަލުން ފަރުވާ ދެމުން ދަނިކޮށެވެ.
ޤާސިމްގެ 9 ބޭފުޅުން ތިއްބަވާއިރު، އެންމެ ދޮށީ ބޭފުޅަކީ ސިޔާމްއެވެ. ޤާސިމްއަކީ، ނ. އަތޮޅު ރައްޔިތުން ނުހަނު އިޚްތިރާމްކުރާ ފާހަގަކޮށްލެވޭ މަސައްކަތްތަކެއް ކޮށްފައިވާ ބޭފުޅެކެވެ. އެގޮތުން، ޤާސިމްވަނީ، ކުޑަފަރީގެ ކަތީބުކަމާއި، ނ. ކުޑަފަރި މަދަރުސާގެ ނާޒިރުކަން ކުރައްވާފައެވެ.
