ގެދޮރުވެރިޔާ ޕޯޓަލްގެ އެކްސެސް އެންޓި ކޮރަޕްޝަން ކޮމިޝަން (އޭސީސީ)އަށް ދީފިއެވެ.
ގެދޮރުވެރިޔާ ޕޯޓަލް މެދުވެރިކޮށް 4000 ފުލެޓަށް އެދުނު މީހުންގެ ތެރެއިން ޝަރުތު ހަމަނުވާ މީހުންނަށް ލިބުނު ޕޮއިންޓު ބަދަލުކޮށް ފުލެޓް ދީފައިވާ ކަމުގެ ގިނަ ޝަކުވާ އޭސީސީއަށް ލިބެމުންދާ އިރުވެސް އެކަން ތަހުޤީގު ކުރުން ލަސްވެގެންދަނީ ގެދޮރުވެރިޔާ ޕޯޓަލަށް އެކްސެސް ނުލިބޭތީ ކަމަށް އޭސީސީން ވަނި ބުނެފައެވެ.
އެ ކޮމިޝަނުން ބުނެފައިވާ ގޮތުގައި ގެދޮރުވެރިޔާ ސްކީމާއި ގުޅުންހުރި މައްސަލަތަކުގެ ތަހުޤީގަށް ބޭނުންވާ ގެދޮރުވެރިޔާ ޕޯޓަލްގެ އެކްސެސް މިނިސްޓްރީ އޮފް ހައުސިންގ ލޭންޑް އެންޑް އަރބަން ޑިވެލޮޕްމަންޓްއިން އެކޮމިޝަނަށް މިހާރު ދީފައިވާ ކަމަށާއި ތަހުޤީޤު ކުރިޔަށްދާ ވަރަކުން މީޑިޔާއަށް މައުލޫމާތު ހިއްސާކުރާނެ ކަމަށް އޭސީސީން ވަނީ ބުނެފައެވެ.
