ވެލާނާ އިންޓަނޭޝަނަލް އެއާޕޯޓްގައި އެތެރޭގެ ދަތުރުތަކަށް ޚާއްޞަ ޑޮމެސްޓިކް ޓާމިނަލް ކައިރިއަށް ޓެކްސީއަށް މަޑުކުރެވޭ ގޮތް ހަދަން ނިންމައިފިއެވެ.
ވީއައިއޭ ހިންގާ އެމްއޭސީއެލްއިން މައުލޫމާތު ދިން ގޮތުގައި ޓެކްސީތަކަށް އެ ހުއްދަ ދެނީ އެކަމަށް ޓަކައި ޚާއްޞަ ރަސްމިއްޔާތެއް ޑިސެންބަރު 10ވަނަ ދުވަހު ބޭއްވުމަށްފަހު ކަމަށް ވެސް އެ ކުންފުނިން ބުންޏެވެ.
އެއާޕޯޓަށް މީހުން ގެންދާ ޓެކްސީތަކަށް މިހާރު މަޑުކުރެވެނީ އިންޓަނޭޝަނަލް ޓާމިނަލް ކައިރިއަށެވެ. ނަމަވެސް އެނބުރި މާލެއަށް ނުވަތަ ހުޅުމާލެއަށް ދިޔުމަށް ޓެކްސީ ނަގަން ޖެހެނީ އަދިވެސް އެކަމަށް ޚާއްޞަކޮށްފައި އޮންނަ ޓެކްސީ ކިޔޫއިންނެވެ. މިހާރު ގެންނަ ބަދަލާއެކު ވެސް، ޓެކްސީ ނަގަން ޖެހޭނީ ހަމަ އެ ކިޔޫއަށް އަރައިގެން ކަމުގެ މައުލޫމާތު ވަނީ ލިބިފައެވެ.
