މާރާމާރީ ހިންގުމަށް ތައްޔާރުކޮށްފަ ހުރި ކަމަށް ބެލެވޭ ތޫނު ހަތިޔާރާއި، އެހެނިހެން ބައެއް އާލާތްތައް ހޯދައިފި: އައްޑޫ ސިޓީ ޕޮލިސް

އައްޑޫގައި ފުލުހުން ހިންގަމުންދާ އޮޕަރޭޝަންގެ ތެރެއިން، މާރާމާރީ ހިންގަން ތައްޔާރު ކޮށްފައިހުރި ތޫނު ހަތިޔާރާ އެހެނިހެން ބައެއް އާލާތްތައް ފުލުހުން ހޯދައިފިއެވެ.

އައްޑޫ ސިޓީ ޕޮލިސް ފޭސްބުކް ޕޭޖުގައި ކޮށްފައިވާ ޕޯސްޓުގައި ބުނެފައިވާ ގޮތުން ގޭންގް މާރާމާރީތައް ހުއްޓުވަން އައްޑޫގެ ޕޮލިސް ސްޓޭޝަންތަކާއި ސައުތު ޕޮލިސްގެ ސީރިއަސް ކްރައިމް ސެލް އަދި ސްޕެޝަލިސްޓް އޮޕަރޭޝަންސްގެ ފުލުހުން ގުޅިގެން އައްޑޫގައި ހާއްސަ މަސައްކަތްތަކެއް ކުރިއަށް އެބަ ގެންދެއެވެ.

އެ މަސައްކަތުގައި މިހާތަނަށް 10 މީހަކު ހައްޔަރު ކޮށްފައިވާއިރު، އޭގެ ތެރެއިން ބައެއް މީހުން ޝަރީއަތް ނިމެންދެން ވަނީ ބަންދު ކޮށްފައެވެ. ދެން ތިބި މީހުންގެ ބަންދަށް ކޯޓުން ވަނީ މުއްދަތު ޖަހާފައެވެ.