ޚަބަރު
މިއަދު ބާއްވަން މަސައްކަތްކުރި “މަގޭ ނަބިއްޔާ” ސައިކަލު ބުރު ހުއްޓުވައި ބައިވެރިން ހައްޔަރުކޮށްފި
މިއަދު ހަވީރު ޒުވާނުން އިސްނަގައިގެން ކުރިއަށްގެންދަން މަސައްކަތްކުރި މަގޭ ނަބިއްޔާ ސައިކަލު ބުރު ހުއްޓުވައިފިއެވެ.
މިއަދު ހަވީރު 16:00 ގައި ރަސްފަންނު ސަރަހައްދުން ފެށުމަށް ރޭވުނު މި ހަރަކާތުގައި ބައިވެރިވުމަށް ގިނަ އަދަދެއްގެ ޒުވާނުން ވަނީ އެސަރަހައްދަށް އެއްވެފައެވެ. އެހެން ނަމަވެސް ފުލުހުން ވަނީ އެސަރަހައްދު އެއްކޮށް ބެރިކޭޑު ޖަހައި ބަންދުކޮށް، އެ ސަރަހައްދަން ވަނުން މަނާކޮށްފައެވެ.
މީގެ ވަގުތުކޮޅެއް ކުރިން ފުލުހުން ވަނީ އެއްވުން ރޫޅާލައި، ބައެއް ޒުވާނުން ހައްޔަރުކޮށްފައެވެ. އަދި މިހާތަނަށް ހައްޔަރުކުރި ޒުވާނުންގެ އަދަދެއް ސާފެއް ނުވެއެވެ.
