ސަލަފްގެ ވަރަށް ހާއްސަ ދަރުހެއް ހުކުރު ދުވަހުގެ ރޭ ބާއްވަން ނިންމައިފިއެވެ.
”ރަތް ރޮނގު“ ގެ ނަމުގައި ސަލަފުން ބާއްވަން އުޅޭ ދަރުސް އޮންނާނީ ކާނިވާ ސަރަހައްދުގައެވެ. މި ދަރުސް ފަށާނީ އެ ރޭ 21:00 ގައެވެ. މި ދަރުސް ދެއްވާނީ އައްޝެއިހް އަބްދުއްސަލާމް ދާވޫދެވެ.
ސަލަފަކީ އިސްލާމީ އިލްމާއި އިސްލާމް ދީނުގެ އުސޫލުތައް އުނގަންނައިދީ ދީނީގޮތުން އާންމުންގެ ހިތްތަކުގައި އުފެދޭ ސުވާލުތަކާއި ޝައްކުތައް ފިލުވައިދިނުމުގައި ވަރަށް އަގު ހުރި މަސައްކަތްތަކެއް ކުރަމުން އަންނަ ޖަމްއިއްޔާއެކެވެ. ފިގުހީ އަދި ހަދީޘްގެ އިލްމާއި އެނޫންވެސް ރާއްޖޭގައި ތިއްބެވި އިސްލާމީ އިލްމުގެ ގިނަ އިލްމުވެރިން އެ ޖަމްއިއްޔާއަށް ނިސްބަތް ވެއެވެ.
