ޕްރޮސެކިއުޓަރ ޖެނެރަލް ހުސެއިން ޝަމީމް މަގާމުން ވަކިކުރަން އެމްޑީޕީގެ ޕާލިމެންޓްރީ ގްރޫޕުން ނިންމައިފިއެވެ.
އެނގިފައިވާގޮތުގައި މިގޮތަށް ނިންމީ އެޕާޓީގެ ގައުމީ މަޖިލީހުގެ 74 މެންބަރުންގެ އިއްތިފާގުންނެވެ.
ޝަމީމް މަގާމުން ވަކި ކުރަން މި މަހުގެ 1 ވަނަ ދުވަހުވެސް ހުށަހެޅިއެވެ. އެކަމަކު އެދުވަހުގެ ޖަލްސާގައި ބައިވެރިވީ އެމްޑީޕީގެ ޕާލިމެންޓް ގްރޫޕުގައި ހިމެނޭ 65 މެންބަރުންގެ ތެރެއިން 35 މެންބަރުންނެވެ.
މަސްތުވާތަކެއްޗާއި ޖިންސީ ފުރައްސާރަ އާއި އިސްލާމް ދީނަށް ފުރައްސާރަ ކުރުމާ ގުޅުން ހުރި ގިން ކަންކަމުގައި ޕީޖީ ޝަމީމަށް އެދެވޭ މަސައްކަތެއް ނުކުރެވޭ ކަަމަށް ބުނެ އާންމުންގެ މަލާމާތާ ފާޑުކިޔުން އޭނާ އަށް ވަނީ ވަރަށް ބޮޑަށް އަމާޒުވެފައެވެ.
