މާލޭ ދެކުނު ފަރާތު ފަޅުގައި އޮތް ލޯންޗްތަކެއްގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ބުނެފައިވާ ގޮތުގައި މިހާދިސާގެ ރިޕޯޓް އެފަރާތަށް ލިބިފައިވަނީ ހެނދުނު 6:13 ހާއިރުއެވެ. އަދި އެވަގުތުން ފެށިގެން ފަޔަރފައިޓަރުން ކުރި މަސައްކަތުން މިހާރު ވަނީ އަލިފާންގަނޑު ކޮންޓްރޯލްކޮށްފައެވެ.
ފުލުހުން ބުނި ގޮތުގައި މިހާދިސާގައި ވަނީ ބިދޭސީއަކަށް އަނިޔާވެފައެވެ. އެމީހާއަށް މިވަގުތު އައިޖީއެމްއެޗް ގައި ދަނީ ފަރުވާ ދެމުންނެވެ.
މިހާދިސާގެ ތެރެއިން 6 ލޯންޗަކަށް އެކިވަރުގެ ގެެއްލުން ވަނީ ވެފައެވެ. މިކަން ހިނގާފައި މިވަނީ ލޯންޗްތަކަށް ވަގުންގެ އުނދަގޫ ބޮޑުވެފައިވާ ދަނޑިވަޅެއްގައެވެ. މިހާދިސާ ހިނގަން މެދުވެރިވި ސަބަބެއް ފުލުހުން އަދި ހާމައެއް ނުކުރެއެވެ.
