ރާއްޖޭގައި އުޅޭ އިންޑިއާ ސިފައިން ބޭރުކުރުމަށް އަޑު އުފުލުމުގެ ގޮތުނަ އިދިކޮޅުން ސިލްސިލާގޮތެއްގައި މާލޭގައި ކުރިޔަށްގެންދާ އިންޑިއާ އައުޓު މުޒާހަރާގެ ތެރެއިން ރޭ 4 މީހުން ހައްޔަރުކޮށްފިއެވެ.
ހައްޔަރުކުރީ 3 ފިރިހެނަކާއި 1 އަންހެނެކެވެ. އެ އެންމެންނަކީވެސް ޒުވާނުންނެވެ.
ބެލެވޭގޮތުގައި އެމީހުންގެ ބަންދާއިމެދު ގޮތެއް ނިންމަން މިއަދު ކޯޓަށް ގެންދާނެއެވެ. އެކަމަކު ވޭތުވެދިޔަ ދުވަސްތަކުގައި ފުލުހުން އަމަލުކޮށްފައިވާ ގޮތަށް ބަލާއިރު އެމީހުން ދޫކޮށްލުމަކީވެސް އެކަށީގެންވާކަމެކެވެ.
އިންޑިއާ އައުޓު މުޒާހަރާއަށް ކޮންމެ ރެއަކުވެސް އާންމުކޮށް 30 އަކަށް މީހުން ނިކުމެއެވެ. އެކަމަކު އެމީހުންނާ ކުރިމަތިލާން ގިނަ ފުލުހުންތަކެއް ނިކުމެ ހާލަތާ ނުބައްދަލު ބާރުގެ ބޭނުން ކުރާކަން ފާހަގަކޮށްލެވެއެވެ.
