މާލެއިން ބޮޑު ހަރުފައެއް އަތުލައިގަނެފިއެވެ.
މިކަން ހިނގާފައިވަނީ މިދިޔަ ބުދަ ދުވަހުގައެވެ.
ހަރުފަ ފެނުނީ އެމްޕީއެލްގައި ހުރި ލަކުޑި ކޮންޓެއިނާއެއްގެ ތެރެއިންނެވެ. އޭތި ފެނުމާ ގުޅިގެން އެމްޕީއެލްގެ މުވައްޒަފުންނާއި އެމްއެންޑީއެފް ގުޅިގެން ގޯންޏަކަށް ލައިގެން ގެންދިޔައީއެވެ.
މިދޭތެރެއިން މާލެއަށް ކުރި ވިއްސާރަގައިވެސް ދެ ސަރަހައްދަކުން ހަރުފަ ވަނީ ފެނިފައެވެ.
ހަރުފައަކީ ރާއްޖޭގައި އާންމުކޮށް އުޅޭ އެއްޗަކަށް ނުވިޔަސް ބައެއް މީހުން އޮޅުކޮށްގެން ހަރުފަ ގެންގުޅެއެވެ. އާންމުގޮތެއްގައި ހަރުފަ ރާއްޖެ އެތެރެވަނީ ދެގޮތަކަށެވެ. އެއީ ބޭރުން ގެންނަ މުދާތެރެއިންނާއި، އޮޅުކޮށްގެން ވަގަށް ގެންގުޅުމުގެ ބޭނުމުގައެވެ.
