ފަނޑިޔާރުންގެ ޖަމުއިއްޔާގެ ރައީސްކަމުގެ މަގާމަށް ސުޕްރީމް ކޯޓުގެ ފަނޑިޔާރު ހުސްނުއްސުޢޫދު އައްޔަންކޮށްފިއެވެ.
މި މަގާމަށް ސުޢޫދު އައްޔަންކުރީ ކުރިން އެމަގާމުގައި ހުންނެވި ހައިކޯޓުގެ ފަނޑިޔާރު އަބްދުއްރައޫފް އިބްރާހިމް، އިސްތިއުފާ ދެއްވުމާއި ގުޅިގެންނެވެ.
ފަނޑިޔާރު ސުއޫދަށް މި މަގާމަށް ދައުވަތު ދެއްވައި ސިޓީ ފޮނުއްވެވީ އެޖަމުއިއްޔާގެ ނައިބް ރައީސް އަދި ދ. އަތޮޅު ޖުޑިޝަލް ދާއިރާގެ އިސް މެޖިސްޓްރޭޓް އަހުމަދު އާމިރުއެވެ. މި ޖަމުއިއްޔާ އަކީ ފަނޑިޔާރުންގެ މުސްތަގިއްލުކަން ހިމާޔަތްކޮށް، ފަނޑިޔާރުންގެ މިނިވަންކަމާއި މުސްތަގިއްލުކަން ދެމެހައްޓަކައި އުފައްދާފައިވާ ޖަމުއިއްޔާއެކެވެ.
