މި ވެރިކަމުގައި ތިބީ ދޮންމީހުން އުޅޭގޮތަށް އުޅެން ބޭނުންވި ނަމަވެސް އެހެންވެސް އުޅެން ނޭނގުނު ބައެއް ކަމަށް ރައްޔިތުންގެ މަޖިލީހުގެ ފަރެސްމާތޮޑާ ދާއިރާ މެންބަރު ޙުސައިން މުޙައްމަދު ލަޠީފް (ސެންބެ) ވިދާޅުވެއްޖެއެވެ.
އެމްޑީޕީގެ ސަރުކާރަށް ފާޑުވިދާޅުވަމުން ކުރެއްވި ޓްވީޓެއްގައި ސެންބެ ވަނީ ދޮންމީހުންވެސް އިޖްތިމާޢީ މިންގަނޑުން ބޭރުވާފަދަ ބޮޑެތި ތުހުމަތުތައް ކުރެވުމުން އަމިއްލައަށް މަޤާމުން އިސްތިއުފާ ދެއްވާކަން ފާހަގަކުރައްވާފައެވެ. އެހެންކަމުން މި ފަސްއަހަރު ގައި މިދަނީ އެދުންވެރި ކަމެއްތޯ ސެންބެ ވަނީ ސުވާލު އުފައްދަވާފައެވެ.
Dhon meehun ulhey gothah ulhen hadhaigen ves ulhen neygunu baeh verikamugai mithibee. Dhon meehun ves ijuthimaee Mingadun beyruvaa fadha bodethi thuhumathu kurevumun magaam in amillyah isthiufaaves dhey. Ehenveema edhunverikameh dhehtho mi 5yr gai midhanee.
— Hussain Mohamed Latheef (@HucenSembe) July 31, 2022
މިދުވަސްވަރަކީ ސަރުކާރު ހިންގާ މައި ޕާޓީ އެމްޑީޕީގެ އެތެރޭގެ ހަމަނުޖެހުން އަނެއްކާވެސް ބޮޑުވެ އެތައް މުޑުދާރު ތުހުމަތުތަކެއް އެކިފަރާތްތަކުގެ ބޮލުގައި އަޅުވަމުން އަންނަ ދުވަސްވަރެކެވެ.
މިކަމާއި ގުޅިގެން މީގެ ކުރިންވެސް ސެންބެ ވިދާޅުވީ ހަރުކަށި ކަމާއި ނުބައި ފާޙިޝް އަމަލުތަކުން މިސަރުކާރަށް ދެން އަރައި ނުގަނެވޭނެކަމަށެވެ.
އެމްޑީޕީގެ ވެރިންނަށް ކުރެވޭ މުޑުދާރު ތުހުމަތުތައް ބެލުމަށް އެތައް ރައްޔިތުންނެއް ދަނީ ގޮވާލަމުންނެވެ. އަދި މި ކަންކަން ބައްލަވައި ދެއްވުމަށް އެދި އިދިކޮޅު ކޯލިޝަނުންވެސް ވަނީ މުއައްސަސާތަކަށް ގޮވާލައްވާފައެވެ.
