އިދިކޮޅު ޕީޕީއެމް ޕީއެންސީ ކޯލިޝަނުން މިރޭ ހުޅުމާލޭގައި ކުރިއަށްގެންދިޔަ “އިންޑިއާ އައުޓް” މުޒާހަރާގެ ބައިވެރިންނަށް ފުލުހުން ހާލަތާއި ނުބައްދަލު ބާރުގެ ބޭނުންކޮށް ވަރަށް ބޮޑަށް އަނިޔާކޮށްފިއެވެ.
އެގޮތުން 5 މީހުން ހައްޔަރަށް ގެންގޮސްފައިވާއިރު، ޕީޕީއެމް ހުޅުމާލެ ސްޓިއަރިންގް ކޮމިޓީގެ ނައިބު ރައީސް ސަމަދުއަށް ވަނީ ވަރަށް ބޮޑަށް އަނިޔާކޮށްފައެވެ. މިވަގުތު އޭނާއަށް ދަނީ ހުޅުމާލެ ހޮސްޕިޓަލުގައި ފަރުވާ ދެމުންނެވެ.
މަންޒަރުދުށް މީހުން މައުލޫމާތުދޭ ގޮތުގައި ފުލުހުން ވަނީ ސަމަދު ބިންމައްޗަށް ވައްޓާލާ އޭނާގެ މޭ މައްޗަށް އޭންކަލް ބޫޓުން އަރާފައެވެ. މައުލޫމާތު ލިބޭ ގޮތުގައި ސަމަދު އަކީ ހިތުގެ ޕޭޝަންޓެކެވެ.
އިދިކޮޅު ކޯލިޝަނުން ދަނީ ކޮންމެ ރެއަކުހެން ސިލްސިލާކޮށް “އިންޑިއާ އައުޓް” މުޒާހަރާ ކުރިއަށް ގެންދަމުންނެވެ.
