ޕްރޮސެކިއުޓާ ޖެނެރަލް ހުސެއިން ޝަމީމް މަގާމުން ވަކި ކުރުމުގެ މަސައްކަތް އެމްޑީޕީއިން ފަށައިފިއެވެ.
ޕީޖީ ޝަމީމް މަގާމުން ވަކި ކުރަން އެމްޑީޕީއިން ޕާލިމެންޓްރީ ގްރޫޕަށް ހުށަހެޅީ މިއަދު މެންދުރު 12:00 ޖެހިއިރު ބޭއްވި ބައްދަލުވުމެއްގައެވެ. އެނގިފައިވާގޮތުގައި ބައްދަލުވުން ބާއްވާފައި ވަނީ ހައިކޯޓުގެ ފަނޑިޔާރު އަބްދުﷲ ހަމީދު ފަނޑިޔާރު ކަމުން ވަކިކުރުމާއި ގުޅޭގޮތުންނެވެ.
ޝަމީމް ވަކި ކުރަން ބައެއް މެންބަރުން ތާއީދު ކުރެއްވި ނަމަވެސް އެ މައްސަލައަކީ އެޖެންޑާކޮށް މަޝްވަރާކުރަންޖެހޭ މައްސަލައެއް ކަމަށް އެމްޑީޕީ ޕީޖީ ގްރޫޕުގެ ލީޑަރު މުހައްމަދު އަސްލަމް ވިދާޅުވިކަމަށް ބައެއް މީޑިއާތަކުން ރިޕޯޓު ކޮށްފައިވެއެވެ.
