މަސްދަޅުގެ އަޑު ބޮޑު ކުރަން ޖެހުނީ ދަޅު އުފައްދަން ބޭނުންކުރާ ޕެކިންގް މެޓީރިއަލްތައް ބައިނަލްއަގްވާމީ ބާޒާރުގައި ބޮޑުުވުމުން ކަމުގައި މިފްކޯއިން ބުނެފިއެވެ.
މަސްދަޅަކުން 4 ރުފިޔާ ބޮޑުވުމާ ގުޅިގެން އާންމުންގެ ފާޑުކިޔުން މިފްކޯއަށް އަމާޒުވެފައިވާ ދަނޑިވަޅެއްގައި އެ ކުންފުނިން ނެރުނު ބަޔާނެއްގައި ބުނީ ދަޅަށް އަޅާ ތެލުގެ އަގު ދެގުނައަށްވުރެ ބޮޑުވެފައިވާއިރު، ދަޅު އުފައްދަން ބޭނުންކުރާ ޓިންފްރީސްޓީލްގެ އަގުވެސް ބޮޑުވެފައިވާ ކަމުގައެވެ. އަދި ކުންފުނީގެ ބޮޑު ބައެއް ހިއްސާކުރާ ޑީސަލްގެ އަގު މިހާރު 50 އިންސައްތައަށްވުރެ އިތުރުވެ، ތަކެތީގެ އިމްޕޯޓު ފްރައިޓު ހަރަދު އުފުލިފައިވާކަމަށް އެ ކުންފުނިން ބުންޏެވެ.
— MIFCO (@mifcomv) June 1, 2022
މިފްކޯއިން ބުނީ ދުނިޔޭގެ ބާޒާރުގައި ތަކެތީގެ އަގަށް އަންނަ ހެޔޮ ބަދަލާއި ގުޅިގެން އަގުތަކަށް ބަދަލު ގެންނާނެ ކަމުގައެވެ.
