ސަރުކާރުގެ ވިޔަވަތި ސިލްސިލާ ކޮންފަރެންސްގެ ތެރެއިން މިއަހަރުގެ ފުރަތަމަ ކޮންފަރެންސް މާލެ ސިޓީ ކައުންސިލުން ބޯއިކަޓް ކުރި ކަމަށް ރައީސް އިބްރާހިމް މުހައްމަދު ސޯލިހު ވިދާޅުވުމުން މާލެ ސިޓީގެ ކައުންސިލަރު އަހުމަދު އައިފާން އެމަނިކުފާނަށް ރައްދު ދެއްވައިފިއެވެ.
Bodethi haflaa baavvaafa foni vaahaka nudakka idhaaree dhaairaathah laamarukazukoh hingumuge namuge vujoodhah genai qaanoonu thanfeezu kureveytho ulhen veenuntho! @MaleCitymv ah dheyn jehey ehves baareh nudhee @ibusolih sarukaarun miadha hamayah kuree jessun! https://t.co/yimJ0yi4Wo
— Ahmed Aifan (@AhmedAifan) May 28, 2022
އައިފާން ކުރެއްވި ޓުވީޓެއްގައި ވިދާޅުވީ ބޮޑެތި ހަފްލާތައް ބާއްވާފަ ފޮނި ވާހަކަފުޅު ރައީސް ސޯލިހު ދެއްކެވުމުގެ ބަދަލުގައި އިދާރީ ދާއިރާތައް ލާމަރުކަޒުކޮށް ހިންގުމުގެ ނަމުގައި ވުޖޫދު ކުރި ގާނޫނު ތަންފީޒު ކުރެއްވުން މާ ރަނގަޅު ކަމުގައެވެ.
”މާލެ ސިޓީއަށް ދޭންޖެހޭ އެއްވެސް ބާރެއް ނުދީ ރައީސް ސޯލިހުގެ ސަރުކާރުން މިއަދާ ހަމައަށް ކުރީ ޖެއްސުން.“ އައިފާން ވިދާޅުވިއެވެ.
މާލެ ސިޓީ ކައުންސިލުން މި ކޮންފަރެންސް ބޯއިކަޓް ކުރިކަމަށް ދެކެވޭ ވާހަކަތައް ޑެޕިއުޓީ މޭޔަރު އަހުމަދު ނަރީޝް ވަނީ ދޮގު ކުރައްވާފައެވެ. އޭނާ ވިދާޅުވިގޮތުގައި މޭޔަރު ޑރ.މުހައްމަދު މުއިއްޒުއަށް ކޮންފަރެންސްގައި ބައިވެރިވެވަޑައިނުގެންނެވުނީ ރާއްޖެއިން ބޭރުވައި ހުންނެވުމުންނެވެ.
