އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން އަބްދުލްގައްޔޫމުގެ ގެކޮޅަށް ގެއްލުން ދިން މައްސަަލައިގައި މީހަކު ހައްޔަރުކޮށްފިއެވެ.
ދާދި ދެންމެއަކު ފުލުހުން ބުނީ ރައީސް ޔާމީންގެ ގެކޮޅަށާއި ޕީޕީއެމް އޮފީހަށް ސްޕްރޭ ކޮށް ގެއްލުން ދީފައިވާ މައްސަލައިގައި ކޯޓު އަމުރެއްގެ ދަށުން 20 އަހަރުގެ ފިރިހެނަކު މި މަހުގެ 16 ވަނަ ދުވަހު ހައްޔަރުކޮށްފައިވާ ކަމުގައެވެ. އޭނާގެ ބަންދަށް 5 ދުވަހުގެ މުއްދަތެއް ކޯޓުން ޖަހައިދީފައިވާކަމަށްވެސް ފުލުހުން ބުންޏެވެ.
ރައީސް ޔާމީންގެ ގެކޮޅަށް ދިން މައްސަލަ ބަލާނެކަމަށް ފުލުހުން ބުނެފައިވާއިރު ”އިންޑިއާ އައުޓު“ ކަރުދާސްތައް އަޅާ 4 މީހަކު ދެނެގަނެވިފައިވާކަމަށް މިދިޔަ ހަފްތާގެ ތެރޭގަައި ފުލުހުން ބުންޏެވެ.
