ފެއްސާ ރަތާ ހުދުގެ ދިފާއުގައި ކުރެވޭ ހަނގުރާމައަށްވުރެ މުހިންމު އިތުރު ކަމެއް ނެތްކަމުގައި އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން އަބްދުލްގައްޔޫމު ވިދާޅުވެއްޖެއެވެ.
ރައީސް ޔާމީން ކުރެއްވި ޓުވީޓެއްގައި ވިދާޅުވީ ރާއްޖޭގެ މިނިވަންކަމާ ޝަރަފް ދެމެހެއްޓުމުގައި ކާބަފައިން އެތަކެއް ފަހަރެއްގެ މަތިން ދުޝްމަނުންނާ ހަނގުރާމަކޮށް، ކާމިޔާބު ހޯދި ކަމުގައެވެ.
Glorious in de pride we have 4 our nation, our forefathers fought armies multiple times https://t.co/k7Vu19X7RC fight is more glorious than de fight 4 de flag of red, white & green.We shall guard our flag until death do us apart.
— Abdulla Yameen (@prz_ymn) May 13, 2022
މިއަދުގެ ހާލަތަށް ރިއާޔަތް ކުރައްވައި އެމަނިކުފާނު ވިދާޅުވީ ފެއްސާ ރަތާ ހުދުގެ ދިފާއުގައި ކުރެވޭ ހަނގުރާމައަށްވުރެ މުހިންމު ކަމެއް މިވަގުތު ދިވެހިންގެ ކިބައިގައި ނެތް ކަމުގައެވެ. އަދި މިނިވަންކަމާއެކު ވިހުރުވޭ ގައުމީ ދިދައިގެ ދިފާއުގައި ފަހުނޭވަޔާ ޖެހެންދެން މައިދާނުގައި ސާބިތުވުމަށް ޔާމީން ވަނީ ދިވެހިންނަށް އިލްތިމާސް ކުރައްވާފައެވެ.
ރާއްޖޭގައި ގާއިމްވެ ތިބި އިންޑިއާ ސިފައިންނާއި ޖާސޫސޫންނާ ދެކޮޅަށް ހިންގާ ”އިންޑިއާ އައުޓު“ ކެމްޕެއިނަށް ކޯލިޝަން ސަރުކާރުން ހުރަސް އެޅިނަމަވެސް އެ ހަރަކާތް ބާރަށް ކުރިޔަށް ގެންދިޔުމަށް މީގެ ކުރިން ރައީސް ޔާމީން ވަނީ ވިދާޅުވެފައެވެ.
