12 އަހަރުގެ އަންހެން ކުއްޖަަކަށް 2 އަހަރު ވަންދެން ޖިންސީ ގޯނާކޮށް، ރޭޕު ކޮށްފައިވާ މައްސަލައިގައި އަދި މީހަކު ހައްޔަރު ނުކުރާކަން ހާމަވެއްޖެއެވެ.
މާލެ ސަރަހައްދުގައި ދިރިއުޅޭ އެ ކުއްޖާގެ މަންމަގެ ލޯބިވެރިޔާގެ މައްޗަށް ތުހުމަތު ކުރެވޭ އެ މައްސަލައިގައި އެއްވެސް މީހަކު ހައްޔަރުކޮށްފައިވޭތޯ ”ބޮންތި“ އިން ފުލުހުންނާ ސުވާލު ކުރުމުން އެއްވެސް ޖަވާބެއް ދީފައެއް ނުވެއެވެ.
އޮންލައިން ނޫހެއް ކަމަށްވާ ”ވަގުތު“ ނޫހުން ކުއްޖާގެ އާއިލާއާއި ހަވާލާދީ ބުނެފައިވަނީ ކުއްޖާއަށް މި އަނިޔާ ދީފައިވަނީ އެ ކުއްޖާގެ މަންމަ އާއި ލޯބީގެ ގޮތުން ގުޅިގެން އުޅުނު 30 އަހަރުގެ ދިވެހި ފިރިހެނެއް ކަމުގައެވެ.
