ދިވެހި ރާއްޖޭގެ އަދުލުގެ ނިޒާމު މިވަގުތު އޮތް ހާލަތާއިމެދު މާލެ ސިޓީ ކައުންސިލްގެ ޑެޕއިޓީ މޭޔަރު އަހުމަދް ނަރީޝް ކަންބޮޑުވުން ފާޅުކުރައްވައިފިއެވެ.
ނަރީޝް ކުރެއްވި ޓްވީޓެއްގައި ވިދާޅުވީ ދިވެހިރާއްޖޭގެ 3 ބާރުގެ ތެރެއިން 1 ބާރު ކަމުގައިވާ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދެވުނު ބޮމުގެ ހަމަލާއަށް 1 އަހަރު ވެގެން ދިޔައިރު އެކަން ކުރި މީހުންނާއި ފަންޑު ކުރި މީހުން އިންސާފުގެ ކުރިމައްޗަށް ހާޒިރު ނުކުރެވުމަކީ ރާއްޖޭގެ އަދުލުގެ ނިޒާމު އޮތް ހާލަތު ހާމަވާ ކަމެއް ކަމަށެވެ.
ދިވެހިރާއްޖޭގެ 3 ބާރުގެ ތެރެއިން 1 ބާރު ކަމުގައިވާ ރައްޔިތުންގެ މަޖިލީހުގެ ރައީސަށް ދެވުނު ބޮމުގެ ހަމަލާއަށް 1 އަހަރު ވެގެން ދިޔައިރު އެކަން ކުރި މީހުންނާއި ފަންޑު ކުރި މީހުން އިންސާފުގެ ކުރިމައްޗަށް ހާޒިރު ނުކުރެވުމަކީ ރާއްޖޭގެ އަދުލުގެ ނިޒާމު އޮތް ހާލަތު ހާމަވާ ކަމެއް!
— Ahmed Narysh (@ahmed_narysh) May 5, 2022
ނަރީޝްގެ ޓްވީޓުގައި މިހާރުގެ ސަރުކާރަށާއި ރައީސް އިބްރާހިމް މުހައްމަދު ސޯލިހަށް ވަނީ ވަރަށް ބޮޑަށް ފާޑު ވިދާޅުވެފައެވެ. ނަރީޝް ވިދާޅުވީ ވެރިކަމަށް އައީ އިންސާފު ހޯދައިދޭނެ ކަމުގެ ވައުދުތައް ރައްޔިތުންނަށް ވަމުން ކަމަށާއި ތިމާމެންނާއި ޖެހުމުން އިންސާފު ވީތަނެއް އިގޭ އެކަކުވެސް ހުރި ކަމަކަށް ނުވިކަމަށެވެ.
ނަރީޝްގެ ޓްވީޓުގައި ވަނީ މިސަރުކާރުން އިންސާފު ހޯދައިދޭނެކަމަށް ވައުދުވި އެތަށް ބަޔަކަށް އިންސާފު މިހާރު ލިބުނީތޯ ސުވާލު އުފައްދަވާފައެވެ.
ރިލްވާނާއި ޔާމީން ރަޝީދަށް އިންސާފު ލިބިއްޖެތޯ؟ ޝިމާއަށް އިންސާފު ލިބިއްޖެތޯ؟ ޖަލުގައި ވާނުވާގައި ތިބި މީހުންނަށް އިންސާފު އަވަސް ވެއްޖެތޯ؟ ރައްޔިތުން ތާއަބަދު ވާނުވާގައި ބޭއްތިއްބިދާނެ ކަމަށް އަދިވެސް އެމްޑީޕީ ގަބޫލު ކުރަނީތޯ؟ ޖަވާބު 2023 ގައި އިރާދަކުރެއްވިޔާ ރައްޔިތުން ދޭނެ!
— Ahmed Narysh (@ahmed_narysh) May 5, 2022
2018 ވަނަ އަހަރު ރައީސް އިބްރާހިމް މުހައްދު ސޯލިހުގެ ކެމްޕޭންގައި ގޮތް ނޭގޭ މަރުތަކާއި ގެއްލުވާލާފައިވާ މީހުންގެ ހަގީގަތް ހޯދާދީ އިންސާފު ހޯދާދޭނެކަމަށް ވަނީ ވައުދުވެވަޑައިގަންފައެވެ. އެގޮތުން ގެއްލުވާލާފައިވާ ނޫސްވެރިޔާ ރިލްވާން ގެ ހަގީގަތް ވެރިކަމުގެ ހުވާ ކުރާތާ ފުރަތަމަ ދުވަހު ހޯދާނެ ކަމުގައިވެސް 2018 ވަނަ އަހަރު ރައީސް ސޯލިހު ވަނީ ވިދާޅުވެފައެވެ. އެހެންނަމަވެސް މިއަދާހަމައަށް އެދެވޭ ނަތީޖާއެއް ނެރެވިފައިނުވާކަން ފާހަގަ ކޮށްލެވެއެވެ.
Goiy Kuda bayakah goiy engeynee kon gothakah baa!!
Thi kiaa goiy neyngey kamah bunaa naruthakuge goiy engeynee ves goiy Kuda vegen e ulhey e baigandah.