ފޮރިން މިނިސްޓްރީގެ ސިޔާސީ ދެ މަގާމަކަށް ރައީސް އިބްރާހީމް މުހައްމަދު ސޯލިހު ބޭފުޅުން ހަމަޖައްސަވައިފިއެވެ.
އެގޮތުން އެ މިނިސްޓްރީގެ ފޮރިން ސެކްރެޓަރީގެ މަގާމަށް ހަމަޖެއްސެވީ ހ. ސީވީޑް، އަޙްމަދު ލަތީފެވެ. އަދި އެމްބެސެޑާ އެޓް ލާޖްގެ މަގާމަށް ހަމަޖެއްސެވީ މއ.އަތަމާވިލާ، އަބްދުލްޣަފޫރު މުހައްމަދެވެ.
އަބްދުލްޣަފޫރު މުހައްމަދު، އެ މަގާމަށް ހަމަޖެއްސެވީ ކުރިން އެމަގާމުގައި ހުންނެވި ބޭފުޅާ މަގާމުން ވަކިކުރެއްވުމަށްފަހުގައެވެ. އަހުމަދު ލަތީފު އެ މަގާމަށް ހަމަޖެއްސެވީ ޖަރުމަނުވިލާތަށް ރާއްޖެއިން ކަނޑައަޅުއްވާފައި ހުންނަވާ ސަފީރު މަގާމުން ވަކި ކުރައްވާފައެވެ.
އެމްޑީޕީގެ އެތެރޭގެ އިންތިހާބުތަކާއި ދިމާކޮށް ސިޔާސީ މަގާމަށް އެކި ބަދަލުތައް އަންނަމުންދާކަން ފާހަގަކުރެވެއެވެ.
