މާލެ ސިޓީ ކައުންސިލުން މާލޭގެ ހުރިހާ މަގުތަކުގައި ހުރި ސްޕީޑް ބްރޭކަރުތަކުގައި ދަވާދު އާކޮށް ނިންމައިފިއެވެ.
މާލެ ސިޓީ ކައުންސިލްގެ އާއްމު ހިދުމަތްތަކާއިބެހޭ މަސައްކަތްތަކާއި ހަވާލުވެ ހުންނެވި ކައުންސިލަރު އާދަމް ރަމީޒް ވިދާޅުވީ ސްޕީޑް ބްރޭކަރުތަކުގައި ދަވާދު އާކުރުމުގެ މަސައްކަތުގެ ތެރެއިން އަލަށް ހެދުނު ސްޕީޑް ބްރޭކަރު ހިމަނައިގެން 323 ސްޕީޑް ބްރޭކަރުގައި ދަވާދު އާކޮށް ނިމިފައި ކަމަށެވެ.
މާލެ ސިޓީގެ މަގުތަކުގައިހުރި ހުރިހާ ސްޕީޑް ބްރޭކަރުތަކުގައި ދަވާދު އާކޮށް ނިމިއްޖެ. އަލަށް ހެދުނު ބްރޭކަރާއިއެކު ޖުމްލަ 323 ސްޕީޑް ބްރޭކަރު ގެ ދަވާދު އާކޮށް 103 ރޭމްޕް ވަނީ ހެދިފަ. pic.twitter.com/JrZvs9JmcX
— Adam Rameez ( Ramy ) (@AdamRamyz) April 1, 2022
ރަމީޒް އިތުރަށް ވިދާޅުވީ ހާއްސަ އެހީއަށް ބޭނުންވާ ފަރާތްތަކަށް ރޭމްޕް ހެދުމުގެ މަސައްކަތްތައްވެސްކޮށްފައިވާ ކަމަށް އޭނާ ވިދާޅުވިއެވެ. އެގޮތުން މާލެ ސިޓީ ކައުންސިލްގެ ހަތަރު ވަނަ ދައުރު ފެށުނު ފަހުން މިއަދާއި ހަމައަށް މުޅިން އަލަށް 103 ރޭމްޕް ހެދިފައިވާ ކަމަށެވެ.
