ހުޅުމާލޭ ރެހެންދި ފުޓްސަލް ދަނޑުގައި މިހާރު ކުރިއަށްދާ ”ސޮނީ ސްޕޯޓްސް ގޯލްޑަން ފުޓްސަލް ޗެލެންޖް 2022“ ގައި ގާދިއްފުއްށި މޮޅަކުން މުބާރާތް ފަށައިފިއެވެ.
ތ.އަތޮޅު ބުރުގެ ފުރަތަމަ މެޗް ގާދިއްފުށިން ކާމިޔާބު ކުރީ ކިނބިދޫއާ ވާދަކޮށް 3-1 އިންނެވެ. ގާދިއްފުށީން ވަނީ ފުރަތަމަ ހާފުގައި ލީޑު ނަގައިފައެވެ.
ގާދިއްފުށީގެ ލަނޑުތަށް ކާމިޔާބު ކޮށްދީފައިވަނީ މުހައްމަދު ތާހިރު (އިފާން) އާއި ހަސަން ރަޝީދު އަދި ހުސައިން ޒާހިރުއެވެ. ކިނބިދޫގެ ހަމައެކަނި ގޯލް ކާމިޔާބު ކޮށްދީފައިވަނީ އިބްރާހިމް އިމްރާހް އެވެ.
މި މެޗުގެ މޮޅު ކުޅުންތެރިއަކަށް ހޮވިފައިވަނީ ގާދިއްފުށީގެ ހުސައިން ޒާހިރުއެވެ.
