ކުރީގެ ރައީސް ޔާމީން ދެން ޖަލަށް ލާން ޖެހޭނީ އެއްލައްކަ ރައްޔިތުންނާއެކު ކަމަށް މާލޭ ސިޓީ ކައުންސިލްގެ ޑެޕިއުޓީ މޭޔާރ އަހުމަދު ނަރީޝް ވިދާޅުވެއްޖެއެވެ.
ނަރީޝް ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ ޝަރީއަތް ލައިވް ކުރުމުގެ އިންތިޒާމުތައް ހަމަނުޖެއްސިގެން އުޅެނީ ސަރުކާރުގެ ނުފޫޒުން ވަގު ހުކުމެއް ޖަހަން ކަމަށެވެ. އެހެން ނަމަވެސް ގައުމު ހަލަބޮލި ވިޔަސް، ރައްޔިތުން ތިބީ އެ ޝަރީއަތަށް ނިކަން ފާރަވެރިވެގެން ކަމުގައި ވެސް ނަރީޝް ވިދާޅުވިއެވެ.
ރައީސް ޔާމީންގެ ޝަރީއަތް ލައިވް ކުރުމުގެ އިންތިޒާމުތައް ހަމަނުޖެއްސިގެން އުޅެނީ ސަރުކާރުގެ ނުފޫޒުން ވަގު ހުކުމެއް ޖަހަން. ގައުމު ހަލަބޮލި ވިޔަސް، ރައްޔިތުން ތިބީ އެ ޝަރީއަތަށް ނިކަން ފާރަވެރިވެގެން. އެމަނިކުފާނު ދެން ޖަލަށް ލާން ޖެހޭނީ އެއްލައްކަ ރައްޔިތުންނާއެކު!
— Ahmed Narysh (@ahmed_narysh) February 27, 2022
ނަރީޝް މިފަދައިން ވިދާޅުވެފައި މިވަނީ ރައީސް ޔާމީނުގެ ޝަރީއަތް ލައިވް ކޮށްދެއްވުމަށް އެމަނިކުފާނު އެދިވަޑައިގަނެފައިވާ ދަނޑިވަޅެއްގައެވެ.
