ޕޯޗްގީޒުންގެ އަށްދަށުން ދިވެހިރާއްޖެ ސަލާމަތްކުރުމަށް މުހައްމަދުތަކުރުފާނު ކުރެއްވި މަތިވެރި ޖިހާދު މިއަދު އަލުން ކުރަން ޖެހިފައިވާ ކަމުގައި މާލޭ ސިޓީ ކައުންސިލްގެ ޑެޕިއުޓީ މޭޔާރ އަހުމަދު ނަރީޝް ވިދާޅުވެއްޖެއެވެ.
ނަރީޝް ކުރެއްވި ޓްވީޓެއްގައި ވިދާޅުވީ މުހައްމަދުތަކުރުފާނު ކުރެއްވި މަތިވެރި ޖިހާދު މިއަދު ކުރަން ޖެހިފައި މިއޮތީ ދިވެހީންގެ ހައްގުގައި ކޮމަންޑޫ ދާއިރާ ރައްޔިތުންނަށް ކަމުގައެވެ.
ޕޯޗްގީޒުންގެ އަށްދަށުން ދިވެހިރާއްޖެ ސަލާމަތްކުރުމަށް މުހައްމަދުތަކުރުފާނު ކުރެއްވި މަތިވެރި ޖިހާދު މިއަދު ކުރަން ޖެހިފައި މިއޮތީ ދިވެހީންގެ ހައްޤުގައި ކޮމަންޑޫ ދާއިރާ ރައްޔިތުންނަށް!
— Ahmed Narysh (@ahmed_narysh) February 1, 2022
ނަރީޝް މިފަދައިން ވިދާޅުވެފައި މިވަނީ އިންތިހާބާ ދިމާކޮށް ސަރުކާރުން އެދާއިރާގައި ބަޖެޓުން ބޭރުން އެތަށް މަޝްރޫއެއް ހިންގަން ފަށައިގައިވާ ދަނޑިވަޅެއްގައެވެ.
