ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަން ބޭއްވުމަށް 10 ދުވަހަށް ވެފައިވަނިކޮށް ށ. ކޮމަންޑޫއަށް އެމްބިއުލާންސެއް ފޮނުވައިފިއެވެ.
ހެލްތް މިނިސްޓްރީން ބުނިގޮތުގައި ގޮތުގައި މި އެމްބިއުލާންސަކީ އަތޮޅު ތެރޭގެ ރަށްތަކަށް އެމްބިއުލާންސް ފޯރުކޮށްދިނުމަށް ސަރުކާރުގެ މައި ވިޔަފާރި ކުންފުނި ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) މެދުވެރިކޮށް ގެނެސްފައިވާ އެމްބިއުލާންސްގެ ތެރެއިން ކޮމަންޑޫއަށް ފޮނުވުމަށް ހަމަޖެހިފައިވާ އެމްބިއުލާންސެވެ.
ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަން އިއުލާނު ކުރި ފަހުން ސަރުކާރުން އަންނަނީ އެ ދާއިރާއަށް ގިނަ ކަންތައްތަކެއް ކޮށްދެމުންނެވެ.
އެސްޓީއޯ މެދުވެރިކޮށް ގެނައި އެމްބިއުލާންސްތަކުގެ ތެރެއިން އެމްބިއުލާންސްތައް މިހާތަނަށް 40 ރަށަކަށް ވަނީ ފޮނުވާފައެވެ.
