ކޮމަންޑޫ ދާއިރާގެ ބައި އިލެކްޝަނުގައި ވޯޓު ފޮށިތައް ބަހައްޓާނެ ތަންތަން އިލެކްޝަންސް ކޮމިޝަން (އީސީ) އިން އާންމުކޮށްފިއެވެ.
އީސީ އިން ކުރި އިއުލާނެއްގައި ވާގޮތުން ޖުމްލަ 7 ފޮއްޓެއް ބައި އިލެކްޝަނުގައި ބަހައްޓާނެއެވެ. އެއީ ށ.ފޯކައިދޫ ސްކޫލުގައި ދެ ފޮށި، ށ.މަރޮށީ އިޖުތިމާއީ މަރުކަޒުގައި އެއް ފޮށި، ށ.ކޮމަންޑޫ އަތޮޅު ތައުލީމީ މަރުކަޒުފައި އެއް ފޮށި، އެ ރަށު ޕްރީ ސްކޫލުގައި އެއް ފޮށި އަދި މާލޭ އިސްކަންދަރު ސްކޫލުގައި ދެ ފޮށްޓެވެ.
އީސީ އިން ބުނީ ކޮމަންޑޫ ދާއިރާގެ ތެރެއިން މާލެއަށް ރަޖިސްޓްރީ ވެފައިވާ އަދަދަށް ބަލައި، މާލޭގައި އިތުރު ވޯޓު ފޮށްޓެއް ބެހެއްޓީ ކަމުގައެވެ.
އަންނަ މަހުގެ 5 ވަނަ ދުވަހު އޮންނަ މި އިންތިހާބަށް ސަރުކާރާއި އިދިކޮޅުން އަންނަނީ ފޯރިގަދަ ކެމްޕެއިނެއް ކުރަމުންނެވެ.
