މަޖިލިސް ރައީސް މުހައްމަދު ނަޝީދު އަވަހާރަކޮށްލަން ދިން ބޮމުގެ ހަމަލާއަށް ފައިސާ ހަރަދު ކުރި މީހުން ހޯދަން ސަރުކާރުން ނޫޅޭކަމަށް އެމަނިކުފާނު ވިދާޅުވެއްޖެއެވެ.
ނަޝީދުގެ ނުރަސްމީ ޓުވިޓަރ އެކައުންޓުން ކުރެއްވި ޓުވީޓެއްގައި ވިދާޅުވީ ނެޝަނަލް ކައުންޓަ ޓެރަރިޒަމް ސެންޓަރު (އެންސީޓީސީ) އިން އެމައްސަލައިގައި އެކަށީގެންވާ މަސައްކަތެއް ނުކުރާ ކަމަށެވެ.
Bongohvaalaa alhugadu maraalan ulhumugai faisaa kharadhu kuri meehun hodhumugai NCTC in eykasheegen vaa masai kai nukuraa kamah alhugadah eyba khabaru libey.
— MN unofficial (@anedhivehirajje) May 22, 2021
ނަޝީދުގެ މި ޓުވީޓަށް ޖަވާބު ދިން އާންމުންގެ މީހަކު ބުނީ މިހާރު އޮތީ އެމްޑީޕީގެ ވެރިކަމެއް ކަމަށެވެ. ޑިފެންސް މިނިސްޓަރ މާރިޔާ އަހުމަދު ދީދީއަކީ އެމްޑީޕީގެ މެމްބަރެއް ކަމަށާއި ފުލުހުންގެ އިސްވެރިޔާ މުހައްމަދު ހަމީދުގެ އިތުރުން އެންސީޓީސީގައި ވެސް ތިބީ އެޕާޓީގެ މެމްބަރުން ކަމަށް އޭނާ ބުންޏެވެ. އަދި އޭގެ މާނަޔަކީ ނަޝީދު ”ގޮއްވާލަން“ އުޅުނީ ރައީސް އިބްރާހީމް މުހައްމަދު ސޯ؛ލިހުގެ ކޯލިޝަން ސަރުކާރުގެ ތެރެއިންތޯ ނުވަތަ ސަރުކާރުގެ ނުކުޅެދުންތެރިކަން ބޮޑީތޯ އޭނާ ސުވާލު ކޮށްފައިވެއެވެ.
MDP verikameh
MDP Defence minister eh,
MDP police commissioner eh adhi NCTC ves MDP.Meege maana aki Anni govvaalan ulhuni seedhaa sarukaaru therein or hama minah vure sarukaaru ge nukulhedhuntherikan bodee. 🤦♂️ MDP verikamegga anni mihaaluga ulhen jehumakee hithaama huri kameh https://t.co/cKeozRerip
— Akram Musthafa (@kramusthafa) May 22, 2021
މިމަހުގެ 6 ވަނަ ދުވަހުގެ ރޭ 08:25 އެހާކަންހާއިރު ސައިކަލެއްގައި ބޮމެއް ހަރުކޮށްގެން ރައީސް ނަޝީދު އަވަހާރަކޮށްލަން ދިން ހަމަލާގައި އެމަނިކުފާނަށް ބޮޑެތި ޒަހަމްތަކެއް ލިބިފައިވެއެވެ. މި މައްސަލައިގެ އެންމެ ފުނަށް ފީނައި، ހަމަލާ ރޭވި އެންމެން އިންސާފުގެ ކުރިމައްޗަށް ގެންނާނެކަމަށް ސަރުކާރުން ބުނެފައިވެއެވެ. ނަޝީދުގެ އާއިލާއިންނާއި ސަޕޯޓަރުން ތުހުމަތުކުރާގޮތުގައި އެ ހަމަލާއަކީ ސަރުކާރުގެ ރޭވުމެކެވެ. މި ހަމަލާއާއި ގުޅިގެން މިހާނަތަނަށް 4 މީހަކު ހައްޔަރުކޮށްފައިވެއެވެ. އެހެން ނަމަވެސް ތަހުގީގު ކުރިޔަށް ދާގޮތުގެ މާބޮޑު ތަފްސީލެއް ފުލުހުން އަދި މިހާތަނަށް ހާމައެއް ނުކުރެއެވެ. އޭޑީކޭއިން ޖުމްލަ 4 ސާޖަރީއެއް ހެދުމަށްފަހު ޖަރުމަނުވިލާތުގެ މިލިޓަރީ ހޮސްޕިޓަލަކުން ނަޝީދު ވަނީ ފަރުވާ ހޯއްދަވާފައެވެ. އެހެން ނަމަވެސް އެނބުރި ރާއްޖެ ވަޑައިނުގަންނަވަނީ ކީއްވެކަމެއް އަދި ނޭނގެއެވެ.
