ށ.ކޮމަންޑޫ ގެއެއް މޮނިޓަރިން އަށް ލާފައިވަނިކޮށް އެޑިއުކޭޝަން މިނިސްޓަރު ޑރ.އާއިޝަތު އަލީ އާއި އައްޑޫ މީދޫ ދާއިރާގެ އެމްޑީޕީގެ މެންބަރު ރޮޒެއިނާ އާދަމް އެ ގެއަށް ވަތް މައްސަލައިގައި ޕީޕީއެމްގެ ކުރީގެ ސެކެޓްރީ ޖެނެރަލް މުހައްމަދު ޝަކީލު ކަންބޮޑުވުން ފާޅުކުރައްވައިފިއެވެ.
ޝަކީލް ކުރެއްވި ޓުވީޓެއްގައި ވިދާޅުވީ ކޮމަންޑޫން މީހުންތަކެއް ކޮވިޑަށް ޕޮސިޓިވްވެ މޮނިޓަރިންގ އަށް ލާފައިވާ ގެޔަކަށްވަދެ އެގޭގެ މީހުންނާއެކު ގިނަ ވަގުތު ތަކެއް މިނިސްޓަރ އައިޝަތު އަލީގެ އިތުރުން މެންބަރު ރޮޒޭނާ ހޭދަކުރެެއްވި ކަމުގައެވެ.
ށ.ކޮމަންޑޫއިން މީހުންތަކެއް ކޮވިޑަށް ޕޮސިޓިވްވެ މޮނިޓަރިންގ އަށް ލާފައިވާ ގެޔަކަށްވަދެ އެގޭގެ މީހުންނާއެކު ގިނަ ވަގުތު ތަކެއް ހޭދަ ކޮށްފައިވާ @aisthly އަދި @Roxeyna ކަރަންޓީނަށް ނުލައި ބަހައްޓާ ކޮންމެ ދުވަހަކީ ކޮވިޑްގެ ނުރައްކަލަށް ރައްޔިތުން ހުށަހެޅޭ ދުވަހެއް. @HPA_MV #IndiaOut pic.twitter.com/slkAyIt6w6
— Mohamed Shakeel 🇲🇻 (@schakyyl) January 14, 2022
”ކިހިނެއް ތިހަދަނީ؟ އަހަރުން އަބަދުވެސް މި ކިޔަނީ ކޮވިޑު މިއީ އޮޕޮޒިޝަންގެ ކެމްޕެއިން ހުއްޓުވަން އެޗްޕީއޭ މައިމޫނާ ބޭނުންކޮށްގެން ސަރުކާރުން ހިންގާ ޖަރީމާއެކޭ.“ ޝަކީލް ވިދާޅުވިއެވެ.
ސްކޫލް ދަރިވަރުންނާއި ބެލެނިވެރިން ކޮވިޑުން ރައްކާތެރިވާށޭ ކިޔާ އަޑުގަދަ ކުރާ @aisthly ކިހިނެއް ތިހަދަނީ؟ އަހަރުން އަބަދުވެސް މި ކިޔަނީ ކޮވިޑު މިއީ އޮޕޮޒިޝަންގެ ކެމްޕެއިން ހުއްޓުވަން @HPA_MV މައިމޫނާ ބޭނުންކޮށްގެން ސަރުކާރުން ހިންގާ ޖަރީމާއެކޭ pic.twitter.com/83k9CxcdzE
— Mohamed Shakeel 🇲🇻 (@schakyyl) January 14, 2022
ހުސްވެފައިވާ ރައްޔިޔުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަނަށް އެމްޑީޕީ އާއި ޕީޕީއެމުން އަންނަނީ ވަރަށް ފޯރިގަދަ ކެމްޕެއިނެއް ކުރަމުންނެވެ. އެ ދާއިރާގެ ގޮނޑި ހުސްވީ ކެންސަރު ބަލީގައި މެންބަރު ހުސެއިން ވަހީދު އަވަހާރަވުމާ ގުޅިގެންނެވެ.
