ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ އެދުމަށް މާލެ ސިޓީ ކައުންސިލުން ނައިޓް މާކެޓް ބޭއްވުން ފަސްކުރުމަށްފަހު ގިނަ ފަރާތްތަކެއްގެ އެދުމުގެ މަތިން އެޗްޕީއޭއިން އެ ހުއްދަ ސިޓީ ކައުންސިލަށް އަނެއްކާވެސް ދީފިއެވެ.
ސިޓީ ކައުންސިލުން ކުރި އިއުލާނެއްގައި ބުނީ އާންމު ފިހާރަތަކުގައި ވިޔަފާރިކުރާ އުސޫލުން ނައިޓް މާކެޓް ބޭއްވުމުގެ ހުއްދަ އެެޗްޕީއޭއިން ކަނޑައަޅާފައިވާ މިންގަނޑާއި އެއްގޮތަށް އަމަލު ކުރަން އެއްބަސްވާ ފަރާތްތަކަށް ހުއްދަ ދޭނެކަމުގައެވެ.
އެޗްޕީއޭ ގެ ގައިޑްލައިނާއި އެއްގޮތަށް ނައިޓްމާކެޓް ބޭއްވުމުގެ ހުއްދަދިނުމަށް އެޗްޕީއޭއިން އެންގުމާއި ގުޅިގެން މާލެ ސިޓީކައުންސިލުންނެރޭ ނޫސްބަޔާން pic.twitter.com/phIDgyt2gH
— Male' City Council (@MaleCitymv) January 6, 2022
މާލެ އަދި ހުޅުމާލޭގެ އެކަމަށް ކަނޑައެޅިފައިވާ ސަރަހައްދުތަކުގައި ނައިޓް މާކެޓް ބޭއްވުމަށް ދިން ހުއްދައިގެ ދަށުން ގިނަ ފަރާތްތަކުން އެކަމަށް އެދި، ހުއްދަ ހޯދައި ބޮޑެތި ހޭދަތަކެއް ކޮށްފައިވެއެވެ.
